മിഴികളിൽ നിറയു നീ
കവിതയായ് കരളിൽ പടരു നീ
ഒരു കാറ്റിൻ കൈകളിൽ
ഒരു പാട്ടിൻ തോണിയിൽ
അണയൂ നീ ...എന്നിൽ നിറയു നീ ..
സ്മൃതിയിൽ മൌനമായ്
കനവിൽ ചിരിതൻ നിലവുമായ്
അലിയു നീ ഉയിരിൽ പിണയു നീ
എന്നുയിരിൽ കലരു നീ
പുഴയിലെ നീരലകൾ പോൽ
വനിയിലെ മുകിലലകൾ പോൽ
നമുക്കൊഴികിടാം ഇനിയും
മൃതിതൻ ഉപരിയായ്
നിത്യ ഹരിതമായ് ...
*************************
വിരലുകളൊഴുകുമീ ഇതളിന്റെ വരികളിൽ
പടരുന്ന ശോകത്തിൻ നനവറിയുന്നില്ലെ നീ
ഉയിരിൻ വിളക്കിലിന്നെരിയുന്ന നാളമിതു
പൊലിയുവാനുലയുന്ന തറിയുന്നതില്ലെ നീ
ഒരു വാക്ക് പറയാതെ ചുണ്ടിലാ
ച്ചിരിതന്റെ അരളിപ്പൂ വിടരാതെ
പിരിയുന്ന വേളയിലെൻ നെഞ്ചിലൊരുപാട്
നോവിന്റെ കനലുകൾ നീ തൂവിയില്ലേ ..
ഇനിയുമീ രാവിന്റെ നിഴലുകൾ അലിയുവാൻ
ഒരു പൌർണ്ണമി തിങ്കളായെന്നിൽ നിറയുമോ
ജീവനിൽ ഉറയുന്ന അഴലിന്റെ മുകിലുകൾ
വരളുന്ന ഹൃദയത്തിൽ മഴയായി പെയ്യുമോ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ