2012 ഓഗസ്റ്റ് 11, ശനിയാഴ്‌ച

വാര്‍ത്തകള്‍ സ്വപ്നങ്ങള്‍

വാര്‍ത്തകള്‍ വെറും സ്വപ്നങ്ങളാകുന്നത്
അവയ്ക്ക് ശിലാതലങ്ങളെ പിളര്‍ക്കാനുള്ള 
മൂര്‍ച്ച നഷ്ട്ടമായതിനാലാണ് 

കണ്ടുകൊണ്ടിരിക്കുമ്പോള്‍
തീവ്രമായി അറിയുന്ന സ്വപ്നങ്ങള്‍ .
അടുത്ത പുലരി കൊണ്ടുവരുന്ന സ്വപ്ന്ങ്ങളാല്‍
മറക്കപ്പെട്ടുപോകുന്ന സ്വപ്നങ്ങള്‍. ....

അറിയുമ്പോള്‍ മനസ്സില്‍
സുഗന്ധം പടര്‍ത്തുന്ന സ്വപ്നങ്ങള്‍ .
മനസ്സിന്‍റെ ജാലകങ്ങള്‍ തുറന്നീടുകില്‍
വെളിച്ചം വിതറുന്ന സ്വപ്നങ്ങള്‍ .

മനസ്സാക്ഷിയില്‍ തറക്കുന്ന
വെടിചില്ലുകളാകുന്ന സ്വപ്നങ്ങള്‍ .
നിരത്തില്‍ നാലാള്‍ നടുവില്‍ നഗ്നനാക്കി
നാണം കെടുത്തുന്ന സ്വപ്‌നങ്ങള്‍. ...

ചിന്തകളില്‍ വിഷം പടര്‍ത്തുന്ന,
പ്രന്ജയില്‍ ചോര തെറിപ്പിക്കെ
കണ്‍വാതിലുകള്‍ അടച്ചു പോകുന്ന

ഭീതിത സ്വപ്നങ്ങള്‍ .



വാര്‍ത്തകള്‍ വെറും സ്വപ്നങ്ങളാകുന്നത്
അവയ്ക്ക് ശിലാതലങ്ങളെ പിളര്‍ക്കാനുള്ള 
മൂര്‍ച്ച നഷ്ട്ടമായതിനാലാണ് 





2012 ഓഗസ്റ്റ് 4, ശനിയാഴ്‌ച

നീ തന്ന പാട്ടുകള്‍

നിന്‍ ഹൃദയ വീണയില്‍
ശ്രുതിമീട്ടിയ ഗാനങ്ങള്‍ 
അവാച്യമധുരം, 
കാതില്‍ പെയ്തിറങ്ങും തേന്‍ മഴകള്‍

നിന്‍ കരളിന്‍ തേന്‍ 
നുകര്‍ന്ന വണ്ടുകള്‍
എന്‍ പ്രിയ ഈണങ്ങള്‍.. .
നിന്‍ കരളിലെ
തേന്‍ തുളിച്ചുനിന്നു ,
വരികളില്‍ ,ഈണങ്ങളില്‍

പിന്നെയൊരു ഗദ്ഗത ഗാനം,
പൊട്ടി വീണു ഹൃത്തന്ത്രികളില്‍
തൊണ്ടയില്‍ ഇടറി വീണ
പാട്ടില്‍,
മുറിവേറ്റ പ്രണയം

പിന്നെ
നീ തന്ന പാട്ടുകള്‍
പൊള്ളുന്ന മൌനങ്ങള്‍
കരളില്‍ ആഴ്ന്നിറങ്ങുന്ന
നൂറു സൂചി മുനകള്‍

വാതം പിടിച്ച യുക്തിവാതം



എടുത്തു കൊള്ളൂ എല്ലാം

എന്‍ മാറ് പിളര്‍ന്നു 
അതില്‍ നിന്നുതിരും നിണവും
എന്റെ ജീവന്‍ മുറിച്ചതിലെ 
വാക്കുകളും നിങ്ങള്‍ക്ക് പെറുക്കിയെടുക്കാം. 
എന്റെ സ്വപ്നങ്ങള്‍ മാന്തിയെടുത്ത-
തിലെ പ്രണയവും പൂക്കളും ദൂരെയെരിയുക. 
എന്റെ വായ്‌ കീറി അതിലെ പുഞ്ചിരിയും 
മധുര ശബ്ദങ്ങളും നീക്കം ചെയ്യുക,
എന്റെ കണ്ണുകള്‍ ഛെദിച്ചു
അതിലെ കാരുണ്യവും
വാല്ത്സല്യവും തുടചെടുക്കാം.
എന്റെ മജ്ജയും മാംസവും
നിങ്ങള്‍ക്കുരുക്ക് കോട്ട
പണിയുവാനെടുക്കാം.
ബോധത്തിലുറങ്ങും വിവേകം
തേച്ചുമിനുക്കിയെടുതാല്‍
കുലംകുത്തുന്നവന്റെ തല വെട്ടിപ്പിളര്‍ക്കാം.
ഇത്തിരിപോന്ന എന്റെ തലച്ചോറു
എന്നും നിങ്ങളുടെ ലോക്കറില്‍ കാണും
കാരണം
നിങ്ങളോടുള്ള എന്റെ കടം
അടഞ്ഞു തീരുമെന്ന് തോന്നുന്നില്ല.