.സ്നേഹാര്ദ്ര മനസുകല്ക്കിടയിലെ
ദൂരമെത്ര ?
വാക്കുകള്ക്കിടയിലെ അക്ഷരങ്ങള്ക്കുള്ള അത്രയുമോ ?
പാട്ടിലെ താളവും നാദവും പോലെയോ ?
തിരയും തീരവും ഇണങ്ങുന്ന മണല്തരികള് അത്രയുമോ?
എത്രവേണം ?
മനസുകള്ക്കിടയില് അകലങ്ങള് സ്നേഹാര്ദ്രതയില്
നിറയുമ്പോള് ശുന്യതയില് പനിനീര്പൂക്കള്
കൊണ്ട് നിറയും പോലേ ആല്ലേ ? .
മനസുകള്ക്കിടയില് ശൂന്യതയില്
നിറയുന്നതിന്നു മതാന്ധത
പലനിറത്തില് പലരൂപത്തില് പലരുചികളില്
പലഭാഷയില് അവ മനസുകളെ
പല വേലിക്കെട്ടുകളില്
ആട്ടി കേറ്റി.
പല നിറ കൊടികള്ക്ക് താഴെ അവര്
മനസുകളെ താഴിട്ടു പൂട്ടി.
അവരവര് തങ്ങളുടെ അടിമകള്ക്ക്
തങ്ങളുടെ നാവും തലച്ചോറും നല്കി
അവരുടെ ഹൃദയത്തിനു തനതു നിറം നെല്കി.
അതെ നിറത്തില് ആഹാരം വിളമ്പി.
കുഞ്ഞുങ്ങള്ക്ക് ഞരമ്പില് വിഷം
പകര്ന്നു നെല്കി. ശരീരത്തിന്റെ ഭാഷ നിയതമായി
നിശ്ചയിക്കപ്പെട്ടു.
സ്നേഹവാക്കുകള് മനസുകളില് നിന്നവര്
മായ്ച്ചുകളഞ്ഞു
ഭാഷകള് വിനോദങ്ങള് ചിരികള്
ഇവയൊക്ക എങ്ങിനെ വേണമെന്ന് നിശ്ചയിക്കപ്പെട്ടു.
അറിവും വിശപ്പും പ്രണയവും ചന്തയിലെന്നപോള് വിറ്റുകൊണ്
വേലിക്കെട്ടുകളില് കൂടുതല് ആളെ ആട്ടിക്കേറ്റി ആള് ബലത്തിനായ്.
ജീവിക്കാന് ഞങ്ങള്ക്ക് മാത്രമവകാശമെന്നവര് അന്യോന്യം കലഹിച്ചു.
മൃത്യുവിനന്തരം ജീവിക്കാന് വേണ്ടി
അപരനെ മൃത്യുവിനിരയാക്കി.
പരസ്പരം നാവും കയ്കാലുകള് വെട്ടിയരിഞ്ഞവര-
ലറിവിളിച്ചു ഓടിയകലുമ്പോള്
അവരുടെ അലറ്ച്ചകള്ക്ക് ഒരേ ഭാഷയായിരുന്നു
തെരുവില് കബന്ധങ്ങള്ക്കു
മേല് വീണ നിഴലുകള്ക്ക്
ഒരേ നിറമായിരുന്നു
അവയ്ക്ക് മേല് വീണ കണ്ണുനീര് തുള്ളികള്ക്ക്
ഒരേ ഉപ്പു രുചിയായിരുന്നു
ആര്ത്ത രോദനങ്ങള്ക്ക് ഒരേ ഭാഷയായിരുന്നു
അനാഥമായ കുഞ്ഞുങ്ങളുടെ കണ്ണുകളില്
ദൈന്യതുടെ ഏക ശരീര ഭാഷയായിരുന്നു
തെരുവുകളില് ഒഴുകിയ ചോരയ്ക്ക്
ഒരേ നിറമായിരുന്നു
nice samji
മറുപടിഇല്ലാതാക്കൂ