ദൂരെ ഒരു തരിവെട്ടം
എരിവേനല് കനലെരിയുമൊരു രാവിലന്നു
നിദ്രയിലാണ്ടൊരു വേളയില്
പതിയെ നിശബ്ദമായ് വന്നു കാതിലുമ്മ
വച്ചുണര്ത്തിയ തെന്നലായി നീ അന്ന്
അളകങ്ങള് തുടു വിരലാല് മെല്ലെ നീക്കി,
മിഴികളുയര്ത്തി അന്നെന്നില്
നീ ഐത നയന സായകങ്ങളാല്
പ്രാണന് പിടച്ചു ജീവന് തുടിച്ചു
തമസ്സില് നീ കൊളുത്തിവച്ച പൂനിലാവാം
നിന് മന്ദസ്മിതമതില് കുളിച്ചു നില്കെ
അറിഞ്ഞു ഞാന് നീ ദൂരെ വളര്മതിയെന്നു.
ഖനജ്വാലയായ് നീ എന്നിലാഴ്നിറങ്ങവേ
അറിയുന്നു ഞാന്, നിന്നിടം അകലെ
വാനില് മുകില് മാലകള്ക്കിടയിലെന്നു.
തനുവില്, കരളില് കുളിരായി സുഗന്ധമായ്
വന്നെന്നെ പുണര്ന്നിടും ചെറു തെന്നാലാം
നിന്നില് ഞാന് മയങ്ങിടെ അറിയുന്നു
നിന്നിടം ദൂരെ ആഴി തന് ഹൃതടമെന്നു
നെഞ്ചോടു ചേര്ത്ത് വച്ചു നിന് കവിള്തടമന്നു
കുതിര്ന്നു, നിന് കണ്ണുനീരാല് എന് മാറിടമാകയുമന്നു.
നിന് മാറോടൊട്ടിനില്കെ കേട്ടു ഞാന്
നിന് ഹൃദയതുടിപ്പിലാ ആത്മ നൊമ്പരം
ഒന്നായലിഞ്ഞു ചെര്ന്നോഴുകിയ ഇരു നദികള്
രണ്ടുടലായ് പിളരുന്ന വേദനയിലും ആശിപ്പു,
അങ്ങ് ദൂരെ ആഴി തന് മാറിലോന്നായിടും
തമ്മിലലിഞ്ഞു നമ്മളില്ലാതായിടും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ